ഒറ്റ നോട്ടത്തില്
കട്ടിപ്പാറ ഗ്രാമപഞ്ചായത്ത്
2005 ഒക്ടോബര് 1-ാം തീയതിയാണ് കട്ടിപ്പാറ ഗ്രാമപഞ്ചായത്ത് രൂപീകൃതമായത്. കോഴിക്കോട് ജില്ലയിലെ താമരശ്ശേരി താലൂക്കിൽ കൊടുവള്ളി ബ്ലോക്കിൽ സ്ഥിതി ചെയ്യുന്ന ഒരു ഗ്രാമപഞ്ചായത്താണ് കട്ടിപ്പാറ. 'കട്ടിൽ രൂപത്തിലുള്ള പാറ' എന്നർത്ഥം വരുന്ന കട്ടിപ്പാറ എന്ന പേര് സൂചിപ്പിക്കുന്നത് പോലെ, പാറകൾ നിറഞ്ഞ ധാരാളം മലമ്പ്രദേശങ്ങൾ ഇവിടെയുണ്ട്.
പ്രധാന വിവരങ്ങൾ
ജില്ല : കോഴിക്കോട്
താലൂക്ക് : താമരശ്ശേരി
ബ്ലോക്ക് : കൊടുവള്ളി
വിസ്തീർണ്ണം : 28 ചതുരശ്ര കിലോമീറ്റർ
വാർഡുകൾ : 17
അതിരുകൾ
വടക്ക് : അമരാട്
തെക്ക് : താമരശ്ശേരി ഗ്രാമപഞ്ചായത്ത്
പടിഞ്ഞാറ് : പനങ്ങാട് ഗ്രാമ പഞ്ചായത്ത്
കിഴക്ക് : പുതുപ്പാടി ഗ്രാമപഞ്ചായത്ത്
ഭൂമിശാസ്ത്രവും സമ്പദ്വ്യവസ്ഥയും
പഞ്ചായത്തിലെ കുന്നുകളും മലകളും നിറഞ്ഞ വടക്കുകിഴക്കന് പ്രദേശങ്ങള് അര നൂറ്റാണ്ട് മുമ്പ് വന്യമൃഗങ്ങള് യഥേഷ്ടം വിഹരിച്ചിരുന്ന വന്കാടുകളായിരുന്നു. കേരളപ്പിറവിക്കു മുമ്പു തന്നെ, പഴയ തിരുവിതാംകൂറില് നിന്നും എത്തിയ കുടിയേറ്റക്കാരാണ് കാടുകള് വെട്ടി നാടുകളാക്കി മാറ്റിയത്. വടക്കന് പ്രദേശങ്ങളിലൊന്നായ കട്ടിപ്പാറയില് അരനൂറ്റാണ്ടു മുമ്പു തന്നെ എത്തിച്ചേര്ന്ന കുടിയേറ്റക്കാര് കാട്ടില് അന്തിയുറങ്ങാന് കട്ടിലായി ഉപയോഗിച്ചിരുന്നത് വിശാലമായ ഒരു പാറയായിരുന്നു. ഈ കട്ടില്പ്പാറ കാലക്രമത്തില് ലോപിച്ച് കട്ടിപ്പാറയായതാണെന്ന് പറയപ്പെടുന്നു.
പ്രധാന വരുമാനം
കൃഷി. റബ്ബർ, തെങ്ങ്, അടയ്ക്ക, ഇഞ്ചി, കുരുമുളക് തുടങ്ങിയ വിളകളാണ് പ്രധാനമായും കൃഷി ചെയ്യുന്നത്.
കാലാവസ്ഥ
പൊതുവെ തണുപ്പുള്ള ഈർപ്പമുള്ള കാലാവസ്ഥയാണ് ഇവിടെ. മാർച്ചുമുതൽ മെയ് വരെ ചൂടുള്ള കാലാവസ്ഥ അനുഭവപ്പെടുന്നു.ഈ മേഖലയിൽ ഏറ്റവും കൂടുതൽ മഴ ലഭിക്കുന്ന പ്രദേശങ്ങളിൽ ഒന്നാണ് കട്ടിപ്പാറ.
പ്രധാന വിനോദസഞ്ചാര കേന്ദ്രങ്ങൾ:
പൂവൻമല, അമരാടു മല, കൊളമല എന്നീ 3 പ്രധാന മലമ്പ്രദേശങ്ങൾ ട്രെക്കിങ്ങിനും കാഴ്ചകൾ കാണാനും (sightseeing) അനുയോജ്യമാണ്. വന്യമൃ ഗങ്ങളുടെയും പക്ഷികളുടെയും ആവാസകേന്ദ്രം കൂടിയാണ് ഈ സ്ഥലങ്ങൾ. അമരാടുമലയിൽ ഒരു വെള്ളച്ചാട്ടവും ഉണ്ട്.
