കട്ടിപ്പാറ
ഗ്രാമ പഞ്ചായത്ത്

• 2005 ഒക്ടോബർ 1-ാം തീയതിയാണ് കട്ടിപ്പാറ ഗ്രാമപഞ്ചായത്ത് രൂപീകൃതമായത്. കോഴിക്കോട് ജില്ലയിലെ താമരശ്ശേരി താലൂക്കിൽ കൊടുവള്ളി ബ്ലോക്കിൽ സ്ഥിതി ചെയ്യുന്ന ഒരു ഗ്രാമപഞ്ചായത്താണ് കട്ടിപ്പാറ. പഞ്ചായത്തിലെ കുന്നുകളും മലകളും നിറഞ്ഞ വടക്കുകിഴക്കന്‍ പ്രദേശങ്ങൾ, അര നൂറ്റാണ്ട് മുമ്പ് വന്യമൃഗങ്ങള്‍ യഥേഷ്ടം വിഹരിച്ചിരുന്ന വൻകാടുകളായിരുന്നു. കേരളപ്പിറവിക്കു മുമ്പുതന്നെ, പഴയ തിരുവിതാംകൂറില്‍ നിന്നും എത്തിയ കുടിയേറ്റക്കാരാണ് കാടുകൾ വെട്ടി നാടുകളാക്കി മാറ്റിയത്. വടക്കന്‍ പ്രദേശങ്ങളിലൊന്നായ കട്ടിപ്പാറയിൽ അരനൂറ്റാണ്ടു മുമ്പു തന്നെ എത്തിച്ചേർന്ന കുടിയേറ്റക്കാ‍ർ‍ കാട്ടിൽ അന്തിയുറങ്ങാൻ കട്ടിലായി ഉപയോഗിച്ചിരുന്നത് വിശാലമായ ഒരു പാറയായിരുന്നു. ഈ കട്ടിൽപാറ കാലക്രമത്തില്‍ ലോപിച്ച് കട്ടിപ്പാറയായതാണെന്ന് പറയപ്പെടുന്നു. ഈ പാറ ഇപ്പോഴും ഇവിടെ കാണാം.