കട്ടിപ്പാറ
ഗ്രാമ പഞ്ചായത്ത്

പ്രധാന സ്ഥലങ്ങൾ

അമരാട് വെള്ളച്ചാട്ടം

   കോഴിക്കോട് ജില്ലയിലെ താമരശ്ശേരിക്ക് സമീപം കട്ടിപ്പാറയിലാണ് അമരാട് വെള്ളച്ചാട്ടം സ്ഥിതി ചെയ്യുന്നത്. താമരശ്ശേരി ടൗണിൽ നിന്ന് ഏകദേശം 10 കിലോമീറ്റർ അകലെയായാണ് ഈ പ്രദേശം സ്ഥിതി ചെയ്യുന്നത്. കുന്നിൻപ്രദേശങ്ങൾ ധാരാളമുള്ള ഒരു ഗ്രാമമാണിത്. പേര് സൂചിപ്പിക്കുന്നത് പോലെ തന്നെ, ഈ ഗ്രാമത്തിലുടനീളം കാണപ്പെടുന്ന കട്ടിയുള്ള പാറകൾക്ക് ഈ പ്രദേശം പ്രശസ്തമാണ്.

കാരുണ്യതീരം സ്പെഷ്യൽ സ്കൂൾ

       ജാതി, മതം, സാമ്പത്തിക സ്ഥിതി തുടങ്ങിയ വേർതിരിവുകളോ തടസ്സങ്ങളോ ഇല്ലാതെ, പ്രത്യേക പരിഗണന അർഹിക്കുന്ന കുട്ടികൾക്ക് മറ്റ് കുട്ടികളെപ്പോലെ തന്നെ തങ്ങളുടെ ദിനങ്ങൾ ചെലവഴിക്കാൻ കഴിയുന്ന, സ്നേഹവും നിഷ്കളങ്കതയും നിറഞ്ഞ ഒരിടമാണ് കാരുണ്യതീരം. ഇവിടെ ഓരോ കുട്ടിക്കും തുല്യമായ പരിചരണവും സ്നേഹവും ലഭിക്കുന്നു.      കോഴിക്കോട് ജില്ലയിലെ കട്ടിപ്പാറ ഗ്രാമപഞ്ചായത്തിൽ 1.5 ഏക്കറിലായി വ്യാപിച്ചുകിടക്കുന്ന ഈ സ്ഥാപനത്തിൽ, സാമൂഹ്യ പ്രവർത്തനം, സ്പെഷ്യൽ എഡ്യൂക്കേഷൻ, ഫിസിയോതെറാപ്പി, ഒക്യുപേഷണൽ തെറാപ്പി, സ്പീച്ച് ആൻഡ് ലാംഗ്വേജ് തെറാപ്പി, തൊഴിലധിഷ്ഠിത പരിശീലനം, ശിശുവികസനം എന്നീ മേഖലകളിൽ പരിശീലനം ലഭിച്ചവരും പരിചയസമ്പന്നരും അർപ്പണബോധ മുള്ളവരുമായ വിദഗ്ധരുടെ മികച്ചൊരു സംഘം പ്രവർത്തിക്കുന്നു.